![]() |
2004/1/13 - 救世軍田家炳學校攪年宵分享會 發羊店於年頭慶幸被救世軍田家炳學校邀請,到該學校進行一個分享攪年宵既講座,為該校既小學生進行一連串基本既攪年宵既小經驗分享。 而呢個會既目的,係為左佢地校內既小型年宵大會分享下一 d 攪年宵基本概念,又同佢地玩下一 d 遊戲,小活動,Q & A 咁,大家都「玩」得好投入,以一個輕鬆既心情同的學生們傾談講解,原來家下的小學生好叻家,講倆講就知道我地有「華仔」、「森美」、「亞旦」在場,仲成日叫我地既森美 tim... |
||
![]() |
(圖一、最頂) 世傑為其準備既powerpoint slideshow打開分享會的序幕,簡單地講解我地2003 年攪年宵時既進程,準備以及預算工作(好認真呀....我都好少見佢呢個認真樣... :P ) (圖二) 學生們留心地聽緊我地世傑既講解。 (圖三) 我地present 完之後更?助田家炳學校做主持,為佢地即將舉行既校內小型年宵會進行攤位競投,學生們同我地都玩到不易樂乎。(^.^) (圖四、最後) 最後完場之後,緊係來張大合照啦。 (各人手持既係一d我地年宵既死剩種,唔係....係一d我地令番屋企既搶手貨...) |
||
![]() |
後記: 真係多謝田家炳學校對我地既邀請,真係令我地有機會對家下既小學生分享我地既攪年宵心得,雖然我地唔係最成功既年宵攤位,但係希望繼續有機會同更多唔同既人分享,令到更多想攪年宵既人都更易入手啦。 |
||
![]() |
|||
2003/3/3 - 肥仔年宵真後感 uploaded 已經 upload 左「肥仔」年宵真後感,必看! 「......但在眾多 helper 們所見一如所料的背後,卻是檔主們之前所要面對的未能預料......」 |
|||
2003/3/3 - 發羊店網站復修完成 發羊店於上星期由於因故障而被迫將網站停止運作一星期,現在已經搶修完成,並繼續運作。 |
|||
![]() |
2003/2/10
- 發羊店慶功宴 發羊店總動員於西貢舉行慶功宴,其實主要都係想多謝一下的功不可沒既 helper們,請大家食番餐 je ,如果無佢地,我地家下仲可能渣住的「沙保冷餐」通街賣 tim... 另一方面,大部份「發羊店」既相已經 upload 左上來,不過由於 server 有 file size limit ,得個二十 Mb 野,而超洋個段 ATV 訪問都佔左 7 Mb,所以家下放左上來既相都盡量壓縮,係得 320 x 240 resolution,其實係幾細幅,如果大家想要番張相既原來大小既 file (Size approx. 1 Mb,resolotion 2048 x 1536),可以 contact 我地六位擋主又或下面既 e-mail,「richsheep2003@yahoo.com.hk」 [睇慶功宴相......] |
||
![]() |
2003/2/1 - 發羊店於零晨五時由亞旦對外宣佈完滿結業 經過左六日以來既辛勞同不間斷既改進,努力,由多位兄弟姊妹共同合作下既維園年宵攤位「發羊店」宣佈完滿結束,多日以來大家一起體驗攪年宵,相信大家都覺得真係好很辛苦,真係並唔係筆墨可以形容既辛苦,其間係完全同外間脫左節,真係就算拉登打到香港都唔知,除非佢去左維園或者係你屋企張床同埋廁所。 多番既市場策略變陣,臨場發揮,以至講到出唔到聲,同埋多位手足相繼病倒都仍然支持下去,大家就係呢種毅力之下完成左今年既年宵。 [睇下擋主年宵後感......] |
||
![]() |
2003/2/1 - 早上七時係亞旦屋企分「贓」 大家係維園清場之後,運送餘下重要物資到旦家,即興之下即刻數錢,初步埋單計數都有八成幾成回本,同大家之前既估計都係差唔多,真係回本當羸,唔係講笑。 |
||
歡迎聯絡我們 richsheep2003@yahoo.com.hk |